ಷೇರು ಮಾರುಕಟ್ಟೆಯಲ್ಲಿ ಅಲ್ಲೋಲಕಲ್ಲೋಲ : 11 ಲಕ್ಷ ಕೋಟಿ ಕಳೆದುಕೊಂಡ ಹೂಡಿಕೆದಾರರು

ಮುಂಬೈ : ಭಾರತೀಯ ಷೇರು ಮಾರುಕಟ್ಟೆನಲ್ಲಿ ಗುರುವಾರ ಜೆಎಸ್‌ಡಬ್ಲ್ಯೂ ಸ್ಟೀಲ್ (1.18%) ಹೊರತುಪಡಿಸಿ ಬಿಎಸ್‌ಇಯಲ್ಲಿ ಉಳಿದ 29 ಷೇರುದಾರರು ಭಾರಿ ನಷ್ಟ ಅನುಭವಿಸಿದ್ದಾರೆ. ಬಿಎಸ್‌ಇ ಸೆನ್ಸೆಕ್ಸ್ ಮತ್ತು ನಿಫ್ಟಿ 50 ನಂತಹ ಪ್ರಮುಖ ಸೂಚ್ಯಂಕಗಳು ಭಾರಿ ಕುಸಿತ ಕಂಡಿವೆ. 

ಸೆನ್ಸೆಕ್ಸ್ 1,804 ಅಂಕ ಕಳೆದುಕೊಂಡು 82,461ರಲ್ಲಿ ವಹಿವಾಟು ನಡೆಸಿದರೆ, ನಿಫ್ಟಿ 552 ಅಂಕ ಕುಸಿದು 50,556ರಲ್ಲಿ ವಹಿವಾಟು ಮುಗಿಸಿತು. 

ಇನ್ನು ಬ್ಯಾಂಕ್ ನಿಫ್ಟಿ 1205 ಪಾಯಿಂಟ್‌ಗಳನ್ನು ಕಳೆದುಕೊಂಡು 51708 ಕ್ಕೆ ಸ್ಥಿರವಾಯಿತು. ನಿಫ್ಟಿ ಮಿಡ್ ಕ್ಯಾಪ್ 100 ಸೂಚ್ಯಂಕ 1402 ಪಾಯಿಂಟ್‌ ಕುಸಿದು 58938 ಕ್ಕೆ ತಲುಪಿದೆ. ಈ ಪ್ರಕ್ರಿಯೆಯಲ್ಲಿ ಹೂಡಿಕೆದಾರರು ಕೆಲವೇ ಗಂಟೆಗಳಲ್ಲಿ ಸುಮಾರು 11 ಲಕ್ಷ ಕೋಟಿ ಕಳೆದುಕೊಂಡರು. 

ಪ್ರಸ್ತುತ ಟಾಪ್ 5 ಲೂಸರ್‌ಗಳ ಪಟ್ಟಿಯಲ್ಲಿ ಬಿಪಿಸಿಎಲ್, ಏಷ್ಯನ್ ಪೇಂಟ್ಸ್, ಶ್ರೀರಾಮ್ ಫೈನಾನ್ಸ್, ಮಾರುತಿ ಸುಜುಕಿ, ಲಾರ್ಸೆನ್ ಇದೆ. ಬಿಎಸ್‌ಇ ಸೆನ್ಸೆಕ್ಸ್‌ನಲ್ಲಿ ಜೆಎಸ್‌ಡಬ್ಲ್ಯೂ ಸ್ಟೀಲ್ (ಶೇ. 1.66 ಏರಿಕೆ) ಮಾತ್ರ ಲಾಭ ಗಳಿಸಿದೆ. ಟಾಟಾ ಸ್ಟೀಲ್ ಹೊರತುಪಡಿಸಿ ಉಳಿದೆಲ್ಲ ಷೇರುಗಳು ಕುಸಿತ ಕಂಡಿವೆ. 

ಮಹೀಂದ್ರಾ ಆಂಡ್ ಮಹೀಂದ್ರಾ ಟಾಪ್ ಲೂಸರ್ (ಶೇ. 2.23 ರಷ್ಟು ಇಳಿಕೆ), ನಂತರದ ಸ್ಥಾನದಲ್ಲಿ ಏಷ್ಯನ್ ಪೇಂಟ್ಸ್, ಟಾಟಾ ಮೋಟಾರ್ಸ್, ಮಾರುತಿ ಸುಜುಕಿ ಇಂಡಿಯಾ ಮತ್ತು ಪವರ್ ಗ್ರಿಡ್ ಕಾರ್ಪೊರೇಷನ್ ಇವೆ. ಹಿಂಡಾಲ್ಕೊ ಇಂಡಸ್ಟ್ರೀಸ್ ನಿಫ್ಟಿ 50 ರಲ್ಲಿ ಲಾಭ ಗಳಿಸಿದರೆ, ಇತರ ಎಲ್ಲಾ ಷೇರುಗಳು ನಷ್ಟದಲ್ಲಿ ವಹಿವಾಟು ನಡೆಸಿದವು. ಐಷರ್ ಮೋಟಾರ್ಸ್ (ಶೇ 312 ರಷ್ಟು ಇಳಿಕೆ), ಬಜಾಜ್ ಆಟೋ, ಟಾಟಾ ಮೋಟಾರ್ಸ್, ಏಷ್ಯನ್ ಪೇಂಟ್ಸ್ ಮತ್ತು ಐಸಿಐಸಿಐ ಬ್ಯಾಂಕ್ ಅತಿ ಹೆಚ್ಚು ಕುಸಿತ ಕಂಡಿವೆ. 

ಮಧ್ಯಪ್ರಾಚ್ಯದಲ್ಲಿ ಹೆಚ್ಚುತ್ತಿರುವ ಉದ್ವಿಗ್ನತೆ ಮತ್ತು ಸೂಚ್ಯಂಕ ಉತ್ಪನ್ನಗಳ ಮೇಲಿನ ಹೊಸ ನಿಯಮಗಳು ಸೇರಿದಂತೆ ಹಲವಾರು ಅಂಶಗಳ ಹಿನ್ನೆಲೆಯಲ್ಲಿ ಎಲ್ಲಾ ಸೂಚ್ಯಂಕಗಳು ಕೆಳಮುಖವಾಗಿ ಚಲಿಸಿವೆ.